Ersikap Katawari pe Megiken Pendilo Dibata


Ini Copas dari Milist GBKP, karya : “Dalton E Pelawi” dpelawi@yahoo.com

GBKP Pondok Gede, Minggu, 15 Januari 2012
Catatan kotbah Pdt. Dharma Pelawi

1 Samuel 3:1-10
Thema: “Kalak si Tek Ersikap Katawari pe Ngayuken Pendilo Dibata”

Samuel ibas paksa ersikap enggantiken Eli, ija Eli gagal ibas mendidik anak-anakna.
Samuel tubuh ibas ulih pertoton nandena Hana, janahna ernajar ia maka adi tubuh anakna iberekenna man Dibata jadi suruh-suruhen Tuhan.

Hana erkidua ras Elkana, janah ia jadi bahan ejeken perban lalit anakna,
tapi tutus atena er-Dibata, seh paksa anakna tubuh pe iberekenna ibas
pendidiken Imam Eli, janah setahun sekali ijahitna jubah man Samuel.
Kenca Samuel tubuh, tubuh ka agi-agina diberu.

Ibas ayat 1, ikataken maka Samuel nguda denga. Enda mbelin ertina, maka lit nge umur tertentu ibas kalak Israel maka banci melayani. Yesus pe umur 30 tahun maka ibenakenna pelayanenna.Nguda entah medanak ertina Dibata menerobos aturen-aturen si ibahan manusia, si ibahan gereja. Lit aturen-aturen ibas GBKP enda, ibas gereja-gereja si deban, tapi banci saja iterobos Dibata. Bagepe medanak ijenda artina, adi sinen telu kali panggilen ndai, pertama ras kedua, ituriken bahwa Samuel enda sekalak singuda
si loyal, patuh man atasenna, mejingkat, tutus, emaka tengah berngi begina sora, “Samuel, Samuel”, minter dahina Imam Eli, tapi kepeken labo Eli si erlebuh.

I tengah-tengah umur si nguda denga, tengah berngi, begina sora, minter ia keke, menggambarken pribadi Samuel. Biasana adina entabeh medem, tengah berngi jarang si nggit keke aminna pe ilebuh.

Erti kata nguda i jenda. ofni ras Pinehas gutul, bapana Imam, anakna la terajarken.
Lit 2 si luar biasa kegutulen kalakenda, tapi berkisar ibas rumah ibadah denga.
1 Samuel 2:12;2:22
1. mbuat persembahen simejilena ibas persembahen tutungen
2. erlua-lua ras diberu-diberu si erdahin bas kemah Tuhan.

Ibas jaman enda pe lit nge rusur sibage, janah kedua anak ndai jadi penyebab kegagalen bapana.
Imam Eli enggo metua, matana pe enggo rabun, la ia ngasup ngajarken anakna, la ngasup TEGAS.
Keleng ate nandangi anak, erbanca rusur kita la ngasup tegas, imanja-manja, kenca mbelin,
ia kange ndatsa. Mekatep perjabun mbaru, terlalu imanja, dungna latih iakapna.
Ngajarken kalak banci tegas, tapi ngajarken anak banci jadi perbeben.

Adi sinen Tuhan Yesus, Ia banci tegas, ngkerapken meja-meja i rumah pertoton, mpelawes kalak
si erbinaga i rumah pertoton, tapi ibalik sie keleng ateNa.

Alih generasi enggo pasti terjadi ibas gereja Tuhan, entah kai gia penyebab kegagalen,
Imam Eli enggo metua emaka Samuel ipersiapken jadi pengganti. Kita pe harus secara sadar
mempersiapken sie. Terlepas dari segala kekurangan ras kelebihen, generasi si muda harus
sipersiapken. Lit hal si positif ibas pemuda Samuel ras lit si Negatif ibas ofni ras Pinehas.

Melala ajaren gelah pemuda ula mekisat. Ula medem-medem saja, cari kerja.
“dalanken ku tiga, entah mbulak kari tugu monas ah.”

Samuel ibas kengudanna lalit si idah si negatif; Waktu Yesus ndilo murid-muridNa arah erbage-
bage latar belakang. Filipus ndilo Natanael, Natanael nungkun “Lit kin si mehuli i Nasaret nari?”
tapi Filipus labo erdebat, nina “Mari sinehen”. Baba kalak ku Tuhan Yesus, e ngenca misinta, sisana
terserah Tuhan Yesus.

Sibandingken sitik ras kor sektor 1, ketutusen ate ije si nomor sada. Si megi-megi pe ertepuk,
muji Tuhan labo pemeteh ken si nomor sada, asa tutus ras beluhta sipersembahken man Tuhan.
Adi man nurung, ula min cekalana e, si macem e rusur sipan. Artina ula siman pandangen rusur si darami,
tapi daramilah si positif.

“Ngeranalah Tuhan, aku suruh-suruhenNdu enggo sikap megikenca.”
Megiken ibas cakap karo sempurna kel e. Anak e pe la megiken kata nina orang tua,
labo la begina, begina nge tapi la laksanakenna.
Kalak si tek ngayuken pendilo Dibata, ngayuken seri ras megiken ndai.

Kita ngasup kang megi-megi enda? Em simberatna kel, kotbah e gia adi enggo lewat setengah jam,
mbatuk simbatuk, kehayamen, lit si erbual. Lit nai Pastor i Jogja, nina ibas dahin
pastoral konseling, em tugas si utama, MEGIKEN. Ibas pertemuan pertama pernanden ndai
curhat sada setengah jam pernanden ndai curhat, ia ngataken “oh ya” bage ngenca.
Pertemuan kedua maka melala Pastor ndai ngerana. Perban gundari teremen kalak si mere
komentar asangken si nggit megiken. Samuel siap mendengar.

Ibas jabu pe adi litlah sada simegi-megi lit denga dalan pulah, tapi adi enggo duana ngeranai
banci kacau.

Sikap dasar Samuel: “Kai nina Tuhan?”
Mbue pelayanen enggo melenceng perban lanai tutus megiken kata Dibata.
Erta doni rusur mempengaruhi maka motivasi banci lanai murni.
Perenungen: berapa banyak baju yang dikoleksi tapi tidak digunakan?
Untuk apa?


Best Regards,
Dalton E Pelawi

 

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: